oppoſez ne ſe pouuoient pas faire en peu de temps, ils furent quatre ans ſans retourner en Afrique : ſi bien que par ce moyen Aronce auoit vingt ans, & Clelie ſeize, lors qu’ils ſe reuirent. Mais auant que de vous dire ce qui ſe paſſa entre eux à cette premiere entreueuë, il faut que vous ſçachiez qu’au partir de Rome, où les violences de Tarquin continuoient, le Prince de Carthage qui voyageoit inconnu, rencontra vn illuſtre Romain apellé Horace, que l’iniuſte Tarquin auoit exilé : & qui ſans ſçauoir en quel lieu de la Terre il paſſeroit le temps de ſon exil, ſe mit à faire conuerſation auec Aronce, qui ſçauoit admirablement la Langue Latine : parce que Clelius qui aimoit ſa Patrie iuſques à vouloir mourir pour elle, auoit voulu qu’Aronce n’en ignoraſt pas le langage. De ſorte qu’Horace qui auoit deſſein de s’en aller durant quelque temps
Page:Madeleine de Scudéry - Clélie, histoire romaine - Volume 01.pdf/187
Cette page a été validée par deux contributeurs.
