contraire ; en ce qui estoit de luy mesme, y voulant entendre, le Roy ne se confieroit jamais de ceste négotiation en luy et craindroit qu’il ne s’en servist à autre chose, encor que ce qu’il estoit, beau frère d’un premier électeur[1], le sembloit ayder ; ce dont il s’apperceut bientost, et ne fut pas sans se repentir plusieurs fois de ce voyage , où il eust à boire maintes amertumes pour les colères du Roy contre M. de Bouillon. Monsieur le Landgrave avoit eu dessein de passer à Saumur pour en communiquer avec monsieur du Plessis ; mais il se trouva encor en Poictou, d’où à l’entrée du mois de Décembre, la peste estincte, il revint à Saumur. Et peu de jours auparavant, avoit esté pris à Rennes monsieur de Monbarot gouverneur de la ville et mené à la Bastille de Paris pour souspeçons du temps, dont ne se trouvans les preuves que le mareschal de Brissac avoit promises au Roy, il ne s’est faict aucune poursuite, demeurant touteffois iceluy, jusques en l’an 1604, bien avant prisonnier. La vérité est que, retournant de la court qui estoit à Blois, en Bretagne, il vit monsieur du Plessis à Saumur, et luy remit en avant ce qu’il avoit mis plusieurs ans auparavant, qu’il estoit perplex en son âme, désireux de faire profession de la vraye religion, dont Dieu luy avoit donné connoissance, et retenu néantmoins de la craincte de perdre son gouvernement, et tout ensemble le moyen d’y servir, et requérant là dessus son conseil ; sur quoy, monsieur du Plessis luy dit, qu’il ne luy pouvoit donner qu’en
- ↑ Le Prince d’Orange. Mme de·la Trémouille était Charlotte de Nassau, fille du grand Prince d’Orange, Guillaume le Taciturne.
