luy estoit donnée de la court que donnant ce contentement au Roy, il le raddoueiroit, par ce qu’il craignoit qu’en ces provinces de Guienne et Languedoc, il troublast les affaires ; monsieur de la Trémouille particulièrement, son beau frère, qui estoit lors en court, fut averty de luy donner cest advis. Lequel ne s’y trouva pas peu embarrassé, estant allez trouver S. M. sur ce que M. le Landgrave de Hessen[1] ayant de Genève traversé le Dauphiné, le Languedoc, la Guienne et le Poictou en habit dissimulé, estoit passé à Thouars, et là avoit pris advis avec luy sur le dessein que luy et quelques autres Princes allemans avoient de faire eslire le Roy en Roy des Romains sy on estimoit qu’il fust utile aux Eglizes réformées ; auquel propos il avoit esté conforté par plusieurs raisons ; et sur l’advis que le dit Seigneur de la Trémouille avoit donné au Roy en diligence de son passage, luy avoit esté commandé de se rendre en miesme temps auprès de sa personne ; à quoy il se seroit résolu en soy mesme, soit espérant estre employé en ceste grande occasion, soit prenant ce subject de se trouver en court pour faire voir à un chacun qu’il se sentoit exempt des brouilleries susdictes. Il pria monsieur du Plessis de le voir premier que partir, qui luy fit voir par plusieurs raisons que ce dessein tourneroit à néant ; en ce qui estoit du principal, parceque l’humeur du Roy et de chacun de son conseil estoit portée pour divers respectz au
- ↑ Maurice de Hesse né en 1572. Prince distingué, il quitta la confession d’Augsbourg pour embrasser le calvinisme, ce qui lui fit beaucoup d’ennemis ; il abdiqua en 1627, et mourut en 1632.
