auroit rézolus, et leur auroit mis à chacun le Cousteau en main, avec serment d’exécuter, leur promettant, ce coup faict, de les mener en Italie, les introduire en la maison de quelques cardinaux où ilz n’am^oient jamais faute de rien et seroient à leur ayse ; abusant ce misérable de la pauvreté et misère de ces gens pour les rendre exécuteurs de sa promesse, et leur en faire courir le péril, et s’en exempter autant qu’il pouvoit ; et de faict se devoit retirer promptement par la porte du Bourg qui joinct le temple et avoit soubz son habit enfumé un habit de cordelier pour jetter celuy auquel il auroit esté veu et estre mesconnu en l’autre.
Pour les obliger tant plus et par maléfice avoit faict fraternité avec Girard, mesme par sa confession attenté Sodomie sur luy, péché dont il faisoit peu de cas, moins que du moindre larcin, ordinaire, leur disoit il en Italie, mesme à Rome entre les cardinaux, et reconnut l’avoir exercée passivement en Italie en sa jeunesse, et depuis activement avec plusieurs, dont et de sa facilité à le prononcer tous les juges eurent horreur, encor que ce ne fut qu’un incident au procès, l’assassinat y demeurant tousjours pour fondement, comme de faict, ilz ne le pouvoient pas juger prévotalement sur la Sodomie.
Toutes lesquelles choses deuement vérifiées et par sa propre confession, et par la rencontre de toutes les cironstances, déclaré par monsr le Séneschal de Saumur, assisté de neuf juges et du prévost, atteinct et convaincu de l’assassinat, condamné à faire amende honorable en l’audience, puis estre mené en la place de la Billange, pour y estre pendu et es-
