clair à ce qui s’y feroit, assisteroit et présideroit un gentilhomme de la Religion pour S. M. ; mais pour l’avenir oster ce prétendu mauvais exemple, qu’il n’entendoit plus qu’il s’en tinst ; ains que lors qu’il seroit besoin de changer les députez, les provinces par simples messagers envoyassent leur nomination en un billet en certain lieu ; et que ceux fussent tenus pour esleuz qui auroient le plus de voix, sy mieux ilz n’aymoient en nommer tout à la fois douze, lesquelz eussent à servir deux à deux, de deux ans en deux ans, au choix de S. M. ; et fut ce mémoyre dressé par M. Forget, secrétaire d’Estat, et par les députez envoyez en toutes les Provinces.
Ce mémoyre scandaliza plusieurs, et leur faisoit mal estimer de l’avenir, parce qu’ilz y voioient et la liberté de leurs synodes perdue, contre le brevet qui leur en avoit esté exprès accordé, et le moien de faire entretenir l’Edict osté, ne pouvant plus s’assembler pour en remonstrer les inexécutions et contraventions ; joinct que ce leur estoit, après la fidélité tant esprouvée de leurs services, une flétrissure qu’on n’imposoit pas mesme aux Jésuites libres en tous leurs conventicules et convaincuz néantmoins d’avoir entrepris[1] contre l’Estat et personne des Rois. Et sembloit à plusieurs que l’exil de M. de Bouillon et la mort de M. de la Trémouille donnoit advantage à faire ce changement, mesme en ce que le lieu de l’assemblée avoit esté remis de Bergerac à Chastellerault, depuis la mort du dit sieur de la Trémouille, duquel on doutoit le voisinage ; ce qui ne se discou-
- ↑ Les Jésuites avaient été rappelés en septembre 1603.
