tiré le canon de l’arsenal ; le dit Léon vescut fort peu de jours, au grand regret du Roy et non sans en jetter larmes, auquel il avoit cousté plus de trois cens mil escus, distribuez aux cardinaux pour le faire eslire. Et la doute où on estoit d’en pouvoir avoir ung aussy favorable[1] n’aydant pas peu à allentir toute résolution qui pouvoit porter à la guerre.
Entrevint là dessus que le sr de la Martonie, gentilhomme de Périgord, avec lequel nous avions eu procez pour l’intérest mesme de S. M. et auquel nous le pensons avoir obligé de plusieurs courtoisies, fut instigué à prendre ce mauvais subject d’appeler en duel nostre filz ; ce qu’il fit au jugement de tous les gens du mestier mal à propos ; et s’y porta au contraire nostre dit filz avec tant de discrétion et de franchise qu’il fut reconnu de S. M. et de tous les grandz juges de telz affaires qu’il n’y avoit rien oublié, ny de valeur, ny de bon advis ; comme de faict, sa partie, par un commandement du Roy, fut mis prisonnier au Fort l’Evesque en danger de la teste, luy simplement gardé en son logis et peu après déclaré libre, pendant ceste garde visité avec offres de tant d’amis, d’une et d’autre religion et des plus grandz, qu’il sembloit que cest accident, bien que fâcheux, estoit né exprès pour faire voir combien en ceste jeunesse ceste vertu naissante estoit jà reconnue ; il fut néantmoins fort remarqué de plusieurs que, contre toute coustume, il avoit esté mis en liberté et avec congé de s’en aller, sans l’accorder
- ↑ Le nouveau pape élu le 16 mai 1605, fut le cardinal Borghèse, Paul V.
