de ceste nouveauté fut de ce que M. Ferrier, ministre et professeur de l’Eglize de Nismes, ayant proposé ceste thèse en l’académie de Nismes, la court de parlement de Thoulouse auroit procédé criminellement contre luy, fait brusler ses thèses par main d’un bourreau, et à son exemple autres en auroient esté inquiétez en divers lieux, lesquelz tous remontrans que, pour un article de religion, ilz estoient poursuiviz comme séditieux, fut advisé de l’insérer, afin qu’il fust manifeste à tous que qui seroit inquiété à l’occasion d’iceluy seroit estimé persécuté pour la doctrine, à laquelle néantmoins la liberté estoit acquise par les édictz de pacification. Le Roy néantmoins estima que cest article n’avoit esté inséré que pour luy desplaire, à cause de l’amityé qu’il avoit avec le Pape, dont il se montra très offensé, et voulut que les députez escrivissent à toutes les provinces le courroux qu’il en avoit, avec défense de l’insérer en la confession, menaceant d’oster le cours aux Bibles, nouveaux testamens et Psalmes où il se trouveroit imprimé, mesme de procéder criminellement contre ceux qui entreprendroient plus outre, cela n’ayant esté faict soubz ses prédécesseurs et le devant moins soubz luy. Particulièrement, il en fit escrire, par M. de Villeroy à M. du Plessis, lettres très preignantes[1], portant menace des inconvénients qui avoient à en avenir sur noz Eglizes ; à cela, monsieur du Plessis respondit déclarant la
- ↑ Vives et pressantes. Le mot, vieilli en français, subsiste en anglais, « Pregnant » signifie tantôt une femme grosse, tantôt au figuré, plein de matière. »
