Ne Lancelot,[1] dont petit me deduit,
Quant la joie ai perdu de tel deduit…
Aſſervis ſui, qui m’eſt choſe trop vile,
Car il m’eſtuet mettre aus murs de la ville ;
Et ſi vuet-on que je veille à la porte,
Et qu’en mon dos la cote de fer porte.[2]
Or il convient qu’ailleurs demourer voiſe
Et laiſſier Reims, dont petit me r’envoiſe.
Encore i a choſe qui ne m’eſt belle,
C’eſt maletote, & ſubſide & gabelle,
Flebe monnoie & impoſition,
Et du Pape la viſitation.
Or faut paier pour huit ans les trentiſmes,
Et ſans delai pour le Roi .iii. deciſmes…
Et vraiement l’Egliſe eft ſi deſtruite
Que je ne pris ſa franchiſe une truite.
Et ſi, dit-on, que li rois d’Angleterre
Vient le ſourplus de ma ſuſtance querre.
Malades ſui & n’ay point de monnoie,
Et mes freres,[3] dont plus aſſez m’anoie.
Après je dout que ne ſoie en oubli
De mon droit dieu terrien qu’onc n’oubli,[4]
Ains le regret ſouvent en ſoupirant.
Mais ce qui plus va mon mal empirant,
C’eſt ce que bien à mon borgne œil perçoi
Qu’à court de roi chaſcuns i eſt pour ſoi…
Pour ce m’en voy demourer en l’empire,
À cuer dolent qui tendrement ſouſpire…
Mais j’aim trop mieus franchiſe & po d’avoir,
Que grant richeſce & ſervitute avoir.
Pleure avec moy & complain ma dolour,
Cuevre de plours ta face & ta coulour,
Et dis à tous qu’ainſi, ſans nul mefait,
Voy en eſſil quant je n’ay rien meffait,
Et que jamais ne feray chant ne lai ;
Adieu te di, car toute joie lai.
Page:Machaut - Le Voir Dit, 1875.djvu/441
Le texte de cette page a été corrigé et est conforme au fac-similé.
385
NOTES ET CORRECTIONS.
