« Mais vous paierez la lamproie ;[1]
« Car vous n’eſtes pas advouez,[2]
« Ne conſillier ne me povez
« Tel conſeil, qu’il n’y ait deffaut ;
« Quant vous ſavez bien qu’il me faut
« Aler au dous commandement
« De celle que j’aim loyaument. »
Ainſi fumes en grant debat,
Que chaſcuns de nous ſe debat
En ſouſtenant s’entention.
Mais n’y ot pas concluſion ;
Pour ce qu’uns ſires s’embaty
En ma chambre, qui abaty
Nos paroles & nos debas,
Qui vint coiiettement, & bas
Diſt : « Dieus gart ceſte compaignie
« De courrous & de villonnie,
« Et li doint pais, honneur & joie,
« Telle com d’amour la vorroie ! »
Si qu’en l’eure nous nous levames
Et humblement le ſaluames,
Et li ſéiſmes reverence
De cuer & de noſtre puiſſance.
Si me mena par la main deſtre
Acouter ſur une feneſtre,
Et ſur un couiſſin s’acouta,
Et de chief en chief me conta
Comment il avoit eſcouté
Page:Machaut - Le Voir Dit, 1875.djvu/350
Le texte de cette page a été corrigé et est conforme au fac-similé.
296
[vers 7255]
LE LIVRE