Page:Machaut - Œuvres, éd. Hœpffner, I.djvu/324

Qui se sont a un corps^[1] fermées,
Celle qui vient^[2] premierement,
2648Elle attrait le commencement
Dès^[3] ce point par^[4] la premerainne,
Pour ce que c’est la souvereinne ;
Et qui la première osteroit,
2052La seconde s’en partiroit.
Or puelent^[5] dire tel y a :
« Guillaume, verbi gracia,
A entendre^[6] si comme quoy ? »
2656Vesci en l’eure le pourquoy :
Nous vëons un chien qui enrage,
De quel cause li vient la rage ?
D’un ver qui la langue li perse.
2660Or est la cause si desperse^[7]
Qu’il pert le^[8] boire et le mengier,
Et puis le convient enragier.
Or est dont li commencemens
2664De quoy vient li enragemens.
Et quant il en pert l’abaier,
Adont se puet on^[9] esmaier
Dès^[10] ce point, que la gent ne morde.
2668Et que^[11] de ce mieus nous remorde^[12],
Je vous en diray qu’il avint
D’un chien qui enragiez^[13] devint,
Amez en l’ostel d’un riche homme.
2672Or entendez, s’orrez la somme.
Li riches homs ot oÿ dire
Dont venoient^[14] si fait martire^[15] ;
S’en vout vëoir^[16] l’expérience

1. E cop
2. E qui muet
3. D De
4. par manque dans E
5. E pouent ; D pueut
6. E Antendre
7. B’ Disperse
8. D li
9. D en
10. E De
11. que manque dans D
12. D remordre
13. F enrachiez
14. D venoit
15. Mss. (sauf E) matire
16. M sauoir