Sous qui on se puet ombroier
Plaisanment et esbanoier[1]. »
Or vueil je chanter et respondre,
Pour[2] mieus m’entencion espondre :
Dont je vueil faire une demande,
Se de la chose qui amende
On doit avoir cuer esperdu,
S’elle[3] a un petit nom perdu
Pour un plus[4] grant nom[5] recouvrer,
Par nature ou par bien ouvrer ?
Je respon[6] qu’einsi n’est il mie ;
Car ce seroit grant derverie[7].
Mais ce qu’on aimme chierement
Ou a acheté[8] chierement[9].
Qui le verroit dou tout perir[10],
Si que ja ne peüst garir,
Venir en porroit tel meschief
Qu’on y metteroit bien le chief
Et tout le corps entierement.
Je le say bien certeinnement,
Que pluseurs einsi l’i ont[11] mis,
Tant amie com vrais amis.
Or vueil dou[12] propre fait parler
Pour quoy j’ay meü mon parler :
Celle damoiselle jolie
Qui estoit a ce clerc amie,
C’estoit li ente faitissete
Comme une douce pucelette,
Ou[13] grant vergier d’Amours plantée.
La pot estre si eslevée
Et de branches[14] si estendue
Page:Machaut - Œuvres, éd. Hœpffner, I.djvu/318
Le texte de cette page a été corrigé et est conforme au fac-similé.