Jamais n’i beüst ne menjast[1],
Eins est certein[2] qu’il enrajast,
Si qu’il[3] le laissoient[4] de plain
A son voloir[5] aler a plain.
Mais il ne faisoit a nelui
Nul mal, fors seulement a lui.
En ce point fu vint ans tous[6] plains ;
S’estoit moult regretez[7] et plains
De la gent qui le congnoissoient
Dont li pluseur[8][9] forment plouroient.
Si[10] fu bien mis de haut[11] au bas.
Se n’afferroit pas grans debas[12]
A[13] jugier verité certeinne.
Qu’il[14] ot de grieté[15] et de peinne
Plus que cent dames n’averoient
Qui[16] leurs[17] amans[18] mourir verroient.
Quant il vous plaist[19], si resgardez,
Et de mesjugier[20][21] vous gardez ! »
Adont s’est Foy en piez drecie
Comme sage et bien adrecie[22]
De droit, de coustume et d’usage ;
S’a dit : « Guillaume, le musage
Avez bien paié ci endroit,
Par dehors la voie de droit,
Au mains[23] en aucune partie.
S’en vorray[24] faire departie,
C’est assavoir, devision[25]
- ↑ E ne me m.
- ↑ M certains
- ↑ D Si que
- ↑ E laissierent
- ↑ D valoir
- ↑ D tout
- ↑ M regrette
- ↑ FE pluseurs
- ↑ D plusieurs
- ↑ B Ce
- ↑ DE du haut
- ↑ BDE gens debas
- ↑ D De
- ↑ D Qui
- ↑ M giette
- ↑ E Quil
- ↑ ME leur
- ↑ MDE amis
- ↑ E Quant vous plaira
- ↑ D de menseigner
- ↑ E du mesagier
- ↑ DE uisee
- ↑ D Amours
- ↑ D verray
- ↑ DE diusion
