Page:Machaut - Œuvres, éd. Hœpffner, I.djvu/241

Et promist a crestienne gent,
Que puis, rivieres et fonteinnes
220Qui estoient cleres et seinnes
En pluseurs lieus empoisonnerent,
Dont pluseurs leurs vies finerent ;^[1]
Car trestuit cil qui en usoient^[2]
224Assez soudeinnement moroient.
Dont, certes, par dis fois cent mille
En morurent, qu’a champ, qu’a ville,
Einsois que fust aperceüe
228Ceste mortel descouvenue.^[3]

Mais cils qui haut siet et loing voit,^[4]
Qui tout gouverne et tout pourvoit,
Ceste traïson plus celer
232Ne volt, eins la fist reveler^[5]
Et si generaument savoir
Qu’il perdirent corps et avoir.
Car tuit Juïf furent destruit,
236Li uns pendus, li autres cuit,^[6]
L’autre noié, l’autre ot copée^[7]
La teste de hache ou d’espée.
Et meint crestien ensement
240En morurent honteusement.

En ce temps vint une maisnie
De par leur dame Ypocrisie
Qui de courgies se batoient^[8]
244Et adens se crucefioient,^[9]
En chantant de la lopinelle
Ne say quelle chanson nouvelle,

1. M lors ; F leur vie; E vie
2. M trestous cilz; D trestuit ceulz
3. F Cest ; D descongneue
4. D Maiz cil qui loing siet et bas voit ; A long
5. D Ne se voult ains fist r.
6. A Li un pendu li autre c. ; E tuit
7. ot manque dans D
8. B’DE descourgies
9. D as dens.