Et li amant ont congié demandé.
Mais on leur a baudement refusé,[1][2]
2012 Car Courtoisie,
Franchise, Honneur, et Largesse s’amie,
Li gentils rois qui pas ne s’i oublie.
Et chascuns d’eaus moult durement les prie[3]
2016 De demourer.
Et il estoit près heure de souper.[4]
Et a ce mot on prist l’iaue a corner[5]
Par le chastel, et forment a tromper ;
2020 Si se levèrent.[6]
Et deus et deus en la sale en alerent ;[7]
Après leurs mains courtoisement lavèrent ;
Puis s’assirent, si burent et mengierent,[8]
2024 Selonc raison,
Car il y ot planté et a foison[9]
De quanqu’on puet dire n’avoir de bon.[10]
Après mengier, les prist par le giron[11]
2028 Li gentils rois,
Et si leur dist : « Vous n’en irez des mois,
Car je vous vueil oster a ceste fois
Les pensées qui vous font moult d’anois. »[12]
2032 Le chevalier
Moult humblement l’en prist a mercier.[13]
Et aussi fist la dame qui targier
Ne pooit plus, ce dist, de repairier.
2036 Et finalment[14]
- ↑ A partir de ce vers la fin manque dans K
- ↑ C abandonnement
- ↑ CEJP doucement ; BD len ; P leur
- ↑ DJ près deure ; P prez de leure
- ↑ C cest ; J leaus
- ↑ D lauerent
- ↑ M II a II. ; en manque dans C
- ↑ EJ et burent ; D bugent
- ↑ M ot a plante ; E faison ; D Quanques y fu fu plante et foison
- ↑ P De quanque len porroit auoir de bon ; E quanqui on ; CEJ pot ; C dire et auoir
- ↑ F le ; E les gieron ; D geron
- ↑ EJP qui moult vous font ; J destrois
- ↑ P Ne se pot plus ; J rapairier
- ↑ EJ Finablement.
