Ne recouvrer par pleindre ne plourer.[1]
1984 S’einsi le font,
Vers Loiauté, ce dist, pas ne meffont ;[2]
Mais s’en ce plour pour amer se meffont,[3]
Homicides de leur âmes se font[4]
1988 Et de leur vie.[5]
Après li rois appella sa maisnie ;
Si vint Franchise, Honneur et Courtoisie,
Biauté, Désir, Leësse l’envoisie,[6]
1992 Et Hardiesse,
Prouesse, Amour, Loiauté et Largesse,[7]
Voloir, Penser, Richesse avec Juenesse,[8][9]
Et puis Raison qui de tous fu maistresse.[10]
1996 Si leur commande[11]
Que chascuns d’eaus a honnourer entende
Ces deus amans, et qu’Amour leur deffende[12]
Merencolie. Après, que la viande
2000 Soit aprestée,
Car il estoit ja près de la vesprée.
Et il ont fait son vueil sans demourée,
Com bonne gent et bien endoctrinée.[13]
2004 Lors se sont trait
Vers les amans, sans faire plus de plait ;
Et chascuns d’eaus a son pooir a fait
Ce qu’il pense qui leur agrée et plait,[14]
2008 Qu’entalenté[15]
En estoient de bonne volenté.[16]
- ↑ M ne par pl. ; C par plaint ne par pi.
- ↑ EKJ pas ce dist (KJ dit)
- ↑ K tel plour ; pour manque dans D ; EKJ deffont
- ↑ D armes ; CKJP seront ; E feront
- ↑ D vies
- ↑ P Loyauté et désir ; C renuoisie
- ↑ BD Pr. honneur ; P souuenirs et larg. ; D et leesce
- ↑ C et jonesse
- ↑ 1994 et 1995 intervertis dans KJ
- ↑ P qui sur tous est m.
- ↑ E demande
- ↑ C que amer ; KJ et (K et que) moult leur deff.
- ↑ E bonnes gens
- ↑ E quilz pensent ; D pensent
- ↑ C atalante
- ↑ En manque dans FKJ.
