Page:Machaut - Œuvres, éd. Hœpffner, I.djvu/224

Le texte de cette page a été corrigé et est conforme au fac-similé.

Que nuit, ne jour ne partira de soy.
          1880 Ne vos effors,
Ne doubtez pas, ne sera ja si fors[1]
Que li fins cuers de cest amant soit hors[2][3]
De la très belle ou po treuve confors.
          1884 Qu’Amour, ma dame,
Qui son cuer art, teint, bruit et enflame,[4]
Et moy qui sui encor a tout ma fiame,[5]
En ceste amour le tenrons ; car, par m’ame,[6]
          1888 Illecouvient.[7]
Et se des maus dolereus plus li vient[8]
Qu’a la dame qui dalez lui se tient,[9]
Fors est assez ; bien les porte et soustient. »[10]
          1892 Lors s’avisa[11]
Li gentils rois, et bonnement ris a
De Juenesse qui einsi devisa ;[12]
Mais onques meins pour ce ne l’en prisa,[13]
          1896 Qu’elle faisoit
Tout son devoir de ce qu’elle disoit,[14]
Et de son vueil plus chier denrée avoit.[15]
Que dis livres de son profit n’amoit.[16]
          1900 Si dist : « Juenesse,[17]
Belle dame, vous estes grant maistresse
Qui cest amant tenez en grant destresse,[18]
En povreté, en misère, en tristesse,
          1904 Vous et Amours.

  1. E seroit ; si manque dans J
  2. 1882 et 1883 intervertis dans R
  3. R Qui le sien cuer ; R soit fort
  4. KJ mon cuer ; K art tant ; C et bruit ; P cuer taint et bruit et entache
  5. 1886 et 1887 dans P : Ne guerpira sa dame ne sa fâche Et je di bien et voeil que chascun sache
  6. C cest
  7. P Quil
  8. EP Et de ses maux [P malx) ; BD de maux (D maulz)
  9. E Car ; KJ Par
  10. D Forte ; C le
  11. F sacusa
  12. D qui ad.
  13. DE le
  14. KJ faisoit
  15. C amoit
  16. AV Qui .xv. de ; CBDEKJ auoit ; P aroit
  17. C Et
  18. AV Quant ; EKJ en tel d.