Puisque mettre ne puet en nonchaloir[1]
Geste dame qui tant le fait doloir.[2]
1776 Si que je di
Qu’il a plus mal que ceste dame ci,
Et que son cuer est en plus grant sousci.[3]
Par les raisons que vous avez oï.
1780 Et, a mon gré,
Cils chevaliers en a moult bien parlé[4]
Car en escript l’ay ci dessus trouvé[5]
Et par raison s’entention prouvé,
1784 Ce m’est avis. »
Quant Raisons ot conté tout son avis.[6]
Amours parla qui fu biaus a devis,[7]
Et gracieus de manière et de vis,[8]
1788 Et dist : « Raison,
Moult bien avez moustrée vo raison.[9]
Si m’i ottroy, fors tant que mesprison[10]
Feroit d’oster son cuer de la prison[11]
1792 A la très belle[12]
Pour qui il sent l’amoureuse estincelle.[13]
Si vueil qu’il l’aint et serve comme celle[14]
Dont eu a mainte lie nouvelle.[15]
1796 Car s’il pooit
Vivre mil ans, et toudis la servoit,
Ja par servir il ne desserviroit[16]
Les grans douceurs que faire li soloit.[17]
- ↑ ATJ Puisquil ne puet mètre ; E en un chaloir
- ↑ D Celle ; E qui trop
- ↑ EKJ en greignour s.
- ↑ C Cest ; BD moult haut p.
- ↑ EK la cy
- ↑ A ot monstre
- ↑ C b. et a lis ; fu manque dans J
- ↑ D et vis ; P et de diz
- ↑ CBDEJ monstre vostre r.
- ↑ que manque dans D
- ↑ J Seroit
- ↑ E Qua
- ↑ BD Pour ce quil sent ; EKJ Pour quil aimt sceust lauoureuse est. (estincelle manque dans J)
- ↑ E Maiz ; l manque dans K ; P laime ; E et aime ; KJ et quil sevue (K serre) ycelle
- ↑ EKJ a eu ; D en a eu ; C eue ; D liée
- ↑ P le
- ↑ DEP pour.
