Einsi le voy partout, se Dieus me gart.
Si que l’amour[1]
De ceste dame ou tant a de valour[2]
Apetise toudis de jour en jour ;[3]
Et aussi fait a ce fuer la dolour.[4]
Mais cils amis
Qui folement s’est d’amer entremis[5]
Sans mon conseil, et se s’i est si mis,[6]
Li dolereus, qu’il en est tous remis,
Les maus d’amer
Sont en son cuer qui li sont trop amer ;[7]
Qu’Amours le fait nuit et jour enflamer,
N’il ne vorroit, ne porroit oublier
Son anémie.
Savez pourquoy ? Pour ce que Compaingnie,
Amour, Biauté et Juenesse la lie,[8]
Et Loiauté, qu’oublier ne vueil mie,[9]
En grant folie,[10]
En rage, en dueil et en forcenerie
Le font languir, et en grant jalousie,
Et en péril de Famé et de la vie.
Car main et tart[11]
Son dolent cuer de sa dame ne part,
Eins la compaingne en tous lieus sans départ ;[12]
Et cils qui est plus près dou feu, plus s’art.[13]
Et Loiauté
Si li deffent a faire fausseté.
Mais s’il eûst par mon conseil ouvré.[14]
Quant sa dame ot nuef ami recouvré,[15]
- ↑ D ques
- ↑ CEKJ moult a
- ↑ KJ tous jours
- ↑ C cel ; D feu
- ↑ P damer sest ; K entrepris
- ↑ se manque dans D
- ↑ KJ font ; J damer
- ↑ C le
- ↑ qu manque dans CP
- ↑ CP Et
- ↑ EJP ne
- ↑ EKJ Mais ; AFMEKJ le comp. ; F déport
- ↑ P plus est près ; M EKJ pi. art.
- ↑ Si manque dans M ; KJ d. de f.
- ↑ C Q. ot la dame ; nuef manque dans D.