1692 Et se l’un faut
Des trois, li dui autres aront deffaut ;[1]
Qu’Amours, ami et amie estre faut[2]
Tout ensamble, ou l’amour riens ne vaut.[3]
1696 Et puisqu’amie
Et Amours ont perdu la compaingnie[4]
D’ami, certes, je ne donroie mie[5]
De leur amour une pomme porrie,
1700 C’est assavoir,
Quant a l’amour, qui est mondeinne, avoir.[6]
Car c’est très bon de faire son devoir,[7]
Si que l’ame s’en puist apercevoir.
1704 Mais il n’est ame,[8]
N’homme vivant qui aimme si sans blâme,[9]
S’il est tapez de l’amoureuse flame,
Qu’il n’aimme mieus assez le corps que l’ame.
1708 Pour quel raison ?[10][11]
Amour vient de charnel affection,[12]
Et si désir et sa condition
Sont tuit enclin a délectation.[13]
1712 Si ne se puet
Nuls, ne nulle garder qui amer vuet[14]
Qu’il n’i ait vice ou pechié ; il l’estuet ;[15]
Et c’est contraire a l’ame qui s’en duet.[16]
1716 Et d’autre part,
Tout aussi tost com l’ame se départ[17]
Dou corps, l’amour s’en eslonge et espart.[18]
- ↑ EKJ en aront (E auront ; K ont)
- ↑ EKJ Car tous trois (E tout troy) estre en une amour leur faut
- ↑ EKJ Tous ; C ou amours
- ↑ CEKJ leur c.
- ↑ EKJ Dame
- ↑ KJ est ma dame auoir
- ↑ KJ trop bon
- ↑ KJ famé
- ↑ CEKJ Ne homs viuans ; P Domme
- ↑ 1708-11 manquent dans P
- ↑ CKJ Par ; E quelle
- ↑ M effection
- ↑ C tout ; B eslit ; E en del.
- ↑ E qui amour
- ↑ M pechier ; MK il estuet
- ↑ E" a la dame ; KJ se deust
- ↑ KJ ainsi ; C autressi com
- ↑ KJ départ.
