Car nous l’avons désiré longuement,
Et ceste dame et moy dévotement
1608 Vous en prions. »[1]
Quant cils li ot moustrées leurs raisons,[2]
Qui bien le sot faire com sages homs,
Li gentils rois qui moult estoit preudons
1612 Li respondi :
« Se Dieus me gart, vous avez pris en mi
Juge ignorant et de sens desgarni,
Ne onques mais je n’oy, ne ne vi[3]
1616 Tel jugement :
S’en saroie jugier petitement.[4]
Mais nompourquant le conseil de ma gent[5]
En vueil avoir ; car je l’ay bel et gent. »
1620 Lorsappella[6]
En sousriant Loiauté qui fu la,
Amour, Juenesse et Raison, qui parla[7]
Premièrement, et puis leur demanda
1624 Li gentils roys :
u Que diriez vous qui savez tous les drois ?[8]
Cils chevaliers qui gens est et adrois[9]
Et ceste dame aussi a ces crins blois[10]
1628 Sont venu ci
Par devers moy, dont je les remerci,
Et jugement vuelent oïr de mi,[11]
Li quels a plus de mal et de sousci :
1632 La dame avoit
Ami loial qui l’amoit et servoit,
Et elle lui, tant comme elle pooit.[12]
- ↑ D Nous vous pr.
- ↑ moustre ; C les r. ; DEKJP ses r.
- ↑ EKJ mes en ma vie noy ; D ne vi ne oy
- ↑ EP Si en ; KJ Si nen ; K présentement
- ↑ EKJ Et
- ↑ B Si
- ↑ CE Amours
- ↑ CDEKJP dittes (K ditez)
- ↑ CE qui est gens ; KJ qui est gentüz et drois
- ↑ C dame icy a ; F ses ; EKJ dame qui porte ses crins (FJ clins) bl.
- ↑ EKJ v. auoir
- ↑ C tant que plus ne pouoit.