Page:Machaut - Œuvres, éd. Hœpffner, I.djvu/197

          1152 La mousterront
Ceals et celles qui ceste ouevre saront,
Et meins assez en tous cas la croiront,
Qu’a tous jours mais pour fausse la tenront.^[1]
          1156 Car de meffait^[2]
C’est un vice si villein et si lait,
Car qui le fait, ja de pooir qu’il ait,^[3]
N’iert de tous poins effacié ne deffait.^[4]
          1160 Pour ce conclus,
Dame, que j’ay de doleur assez plus,^[5]
El que plus tost a garison venus
Seroitvos maus que cils dont sui tenus.
          1164 Et jugement
En oseroie attendre vraiement,^[6]
Se nous aviens juge qui loiaument^[7]
Vosist jugier, et véritablement. »
          1168 « Par m’ame, sire,
Et de ma part je vueil et ose dire^[8]
Que de mon cuer le jugement désire.^[9]
Or regardons qui nous volons eslire^[10]
          1172 Qui sans déport
Sache jugier li quels de nous a tort ;
Car avis m’est que li maus que je port^[11]
Est si crueus qu’on ne puet plus sans mort. »^[12]
          1176 « Dame, je vueil^[13]
Que li juges soit fais tout a vo vueil. »^[14]
— « Mais au vosire, biau sire, et si conseil
Qu’il ne soit fais fors par vostre conseil,^[15]

1. manque dans F (parchemin déchiré) ; EK Et
2. E de mes fait
3. E Que quil ; KJ ja pour pouoir
4. E Nest
5. P Qui jay dame
6. E entendre
7. C vous auez ; E auons ; K veons ; J volons
8. EKJ Et de mon cuer
9. D Qui de bon cuer ; EKJ Que brief mon c.
10. EKJP regardez ; E que ; EKJ vous voudrez
11. E Or mest il vis
12. D Et
13. 1176-9 manquent dans KJ
14. E le jugemens ; fait tout manquent dans D
15. MBEPC fais que par.