Car Souvenir la tient moult près de mi[1]
Sans départir jour, heure, ne demi,[2]
1128 Et si la voy
Assez souvent, dont tous vis me desvoy,[3]
Quant longuement de mes yeus la convoy
Et je n’en ay joie, ne bien, n’avoy,[4]
1132 Eins voy autrui[5]
Qui joie en a. C’est ce dont me destrui ;
Car s’elle amer ne vosist moy ne lui.[6]
Les maus que j’ay ne pleingnisse a nelui,[7]
1136 Eins les portasse
Dedens mon cuer humblement et celasse,
Et en espoir de joie demourasse.[8]
Si que meschief ne doleur ne doublasse.[9]
1140 Ne départir
N’en vueil mon cuer, pour doubte dou partir,[10]
Qui trop demeure en vie, et, sans mentir,[11]
Je ne saroie amer a repentir.[12]
1144 Et si seroie
Faus amoureus, se je m’en departoie ;[13]
Car sans nul si li donnay l’amour moie.[14]
Si l’ameray, que qu’avenir m’en doie ;[15]
1148 Et, par ma foy,
Si loiaument l’aim que j’ay plus d’anoy
Cent fois pour li que je n’aie pour moy.[16]
Quant s’onneur voy amenrir ; car au doy[17]
- ↑ moult manque dans D ; B1 trop près
- ↑ DP repentir ; DK heure jour
- ↑ EKJ desroy
- ↑ EKJ ay bien ne joie nen (E ny) voy ; B nen nay ; C bien nen ay ; FD nanoy
- ↑ P Et
- ↑ M moy nautrui
- ↑ C nen
- ↑ C Si
- ↑ P dolour ne meschief
- ↑ C Ne ; AV den
- ↑ et manque dans J ; KJ partir
- ↑ K Ne ; M Ja ; E pour rep.
- ↑ P me ; EKJP repentoie
- ↑ D sans si nul
- ↑ C Et ; D quil qua. ; MKP quoy qtia.
- ↑ MCBDEKJ Dis ; E que nay une pour moy ; D nay ; AV de moy
- ↑ C voysonnour ; E Quar souuent voy auenir et au doy.