Page:Machaut - Œuvres, éd. Hœpffner, I.djvu/191

L′amour de li mieus que je ne soloie,^[1]
Ne say je pas, se je m′i fieroie.
Certes, nenüil ! Pourquoy ? Je n′oseroie.^[2]
          1000 Car nourreture,^[3]
Si com on dit, veint et passe nature,^[4]
Et toudis va, s′il ne se desnature,^[5]
Li leus au bois ; c′est la vérité pure.^[6]
          1004 Et par ce point
En mon désir d′espérance n′a point,^[7]
Mais en li gist desespoir si apoint^[8]
Que je seray matez en l′angle point^[9]
          1008 Dou souvenir^[10]
Que vous dites, qui fait en moy venir^[11]
La pensée qui me fait resjoir.^[12]
Certes, de lui ne puis jamais joïr,^[13]
          1012 Ne n′en joï.^[14]
Ne ne le vi, ne senti, ne oï,^[15]
Puis que ma dame ot fait nouvel ami ;
Car adonques se parti il de mi.^[16]
          1016 Si vueil prouver
Que c′est la riens qui plus me puet grever
Et qui plus fait mon cuer désespérer
Que souvenir. Vous savez, et est cler,^[17]
          1020 Chascuns le voit,
Que, se jamais il ne me souvenoit

1. J puisse. EKJ de lui (K li) ainsi com je soloie
2. D G. je nennil ; F nanil ; KJ je ne pourroie
3. Les vers 1000-1047 ne se trouvent que dans CEKJPR
4. Ce. len ; on manque dans J
5. C tousjours
6. KJ ou ; P de sa propre nature, à la marge cest la vérité pure ; la manque dans C
7. E Eus
8. PR a li (R lui) joint d. ; C a lui tout d.
9. KP jen ; R mat ou aueugle a p.
10. KJ Dont
11. R quil
12. C ma
13. C ne puisse mais ; P ne puiz je mes joir
14. P Je ; KJ Ne ne
15. C Ne uere (sic) ; KJ ne oy ne senti
16. KJ adont ; KJ p. el demi
17. E s. cest tout cler ; KJ que cest cler ; R vous le veez au cler.