944 Qui esmouvoir
Me fait souvent a maint penser avoir.[1]
Certes, dame, ce vous ottroi pour voir,[2]
Fors seulement que je n’ay point d’espoir.
948 Mais sachiez bien,
Dame, comment qu’il n’ait partout que bien,
Qu’en ce vostre entendement et le mien[3]
Ne se joingnent, ne acordent en rien,[4]
952 Eins sont contraire,
Einsi com je le vous pense a retraire.[5]
Quant poins sera. Mais ce ne vueil pas taire[6]
Que vous dites qu’encor puis je tant faire
956 Par honnourer,
Par bien servir, par souffrir, par doubter,[7]
Par obeïr, par loiaument amer,[8]
Qu’en joie puis ma dame recouvrer.[9]
960 Mais ce seroit
Moult grant maistrie au garder qui l’aroit.[10]
Car en un lieu son cuer n’arresteroit[11]
Nés que feroit un estuef seur un toit.[12]
964 Et vostre amour.
Qui tant avoit de pris et de valour,
Ne pouez mais recouvrer par nul tour.
Dont vous avez veinne et pale colour.
968 Si qu’einsi dites
Que mes dolours sont assez plus petites[13]
Que les vostres, dont je ne sui pas quites,
- ↑ KJP et maint
- ↑ P je vous
- ↑ D Que se ; E Quen vostre
- ↑ DP de rien
- ↑ P les ; vous manque dans E a manque dans C
- ↑ EP Quant temps ; C mais pas ce ne v. t., P mais ne me v. pas t. ; E pas atraire
- ↑ D A ; E par celler
- ↑ E Pour o. et l.
- ↑ P Quencores ; D de mamour rec.
- ↑ KJ gr. chose ; P maistrise ; DEKJ a g.
- ↑ D en bon lieu ; KJ ne sesteroit
- ↑ DK Ne ; P estuet ; C doit
- ↑ E doulcours.
