Par endurer liement et souffrir,[1]
Par bien amer de cuer et obeïr[2]
920 Très humblement
Pouez encore avoir aligement,[3]
Joie et l’amour de celle ou vos cuers tent.[4]
Si que je di que j’ay plus de tourment.[5]
924 Et moult visible[6]
Est la raison, ce m’est vis, et sensible :[7]
Car de ravoir vo dame, c’est possible ;[8]
Mais mon ami ravoir, c’est impossible[9]
928 Selonc nature ».
— « Dame, d’onneur, de sens et de mesure
A plus en vous qu’en autre créature ;[10]
Car par vo sens mis a desconfiture
932 Moult tost seroie,
S’a vos raisons respondre ne pooie.[11]
Car vraiement, faire ne le saroie[12]
Si sagement, com mestier en aroie.[13]
936 Mais repeter
Vueil vos raisons, se j’y puis assener.[14]
Vous arguez que j’aimme sans fausser
Et ameray, tant com porray durer,[15]
940 Sans repentir ;[16]
Et puis que j’aim, il faut qu’aie désir[17]
Qui ne se puet déporter ne souffrir
D’espérance ; et si ay souvenir
- ↑ C et par s.
- ↑ KJ Et par franchise cuer et corps li (K lui) offrir ; A oubeir Après le vers 919 P ajoute : Et de vo dame faire tout le plaisir.
- ↑ D auoir encore
- ↑ E et amour
- ↑ D Si di je que ; E jay moult
- ↑ D Tretout v.
- ↑ E est ; M visible
- ↑ E vostre dame est
- ↑ c manque dans KJ
- ↑ P nulle créature
- ↑ MCBDKJ sauoie
- ↑ DK Et ; le manque dans J ; C pourroie
- ↑ C comme
- ↑ D se puis y ass. ; E se je puis ; KJP jy scay ass.
- ↑ C puisse
- ↑ KJ repartir
- ↑ P Et puis quil faut que je aie désir ; EKJ que je désir ; D que jaie.
