Page:Machaut - Œuvres, éd. Hœpffner, I.djvu/187

De loial cuer, tant comme vis serez.^[1]
Et puisqu’il est einsi que vous l’amez,
Certes, je croy que s’amour desirez.^[2]
          896 Car avenir
Voy po souvent qu’amours soit sans désir,^[3]
Ne que désirs d’amours se puist souffrir
D’espérance ; et s’avez souvenir
          900 Aucune fois.
Dont, quant vos cuers est par désir destrois,^[4]
Il vous souvient de la belle aus crins blois,^[5]
Dont vous avez des pensers plus de trois.^[6]
          904 Si ne puet estre^[7]
Que vous n’aiez aucun penser qui nestre^[8]
Aucune joie face en vous, qui remestre^[9][10]
Fait la dolour qui si vous tient a mestre,^[11]
          908 Si qu’a la fie
Par souvenir avez pensée lie
Qui vo dolour espart et entroublie.
Mais la mienne jour et nuit monteplie^[12]
          912 Sans nul séjour,^[13]
Et toudis croist li ruissiaus de mon plour,^[14]
N’avoir ne puis pensée par nul tour,^[15]
N’esperance de recouvrer m’amour.
          916 Mais par servir,
Par honnourer, par celer, par cremir,^[16]

1. KJ comme vous viurez
2. manque dans F {parchemin déchiré)
3. KJ Voit on s. que mort ; P quamans ; D sont
4. M désirs
5. la manque dans J ; FM as ; E clins ; F blons
6. P auez pensées
7. E peust
8. A que
9. KJ Aucune fois en vous faut qua remetre (K que remerte) ; C en vous fait ; BD fait ; qui manque dans E
10. 906 et 907 intervertis dans KJ
11. Fait manque dans E; E ci ; si manque dans D ; B¹ qui vous tient comme mestre ; KJ tient et mètre
12. KJP la moie ; MEKJP nuit et jour
13. P Et sanz s.
14. E lui ruisseaux
15. K : par ma tour
16. manque dans P ; KJ Par bien amer et du cuer obéir ; D honnour ; DE par seruir par cr.