Chose envers vous qui nostre amour efface,[1]
652 Et que vo vueil[2]
Puisse acomplir, einsi com je le vueil[3]
Faire, humblement, sans hautesse, n’orgueil.[4]
Car, se je puis, assez mieus que ne sueil,
656 Vous serviray
Très loiaument de cuer et ameray,[5]
Et vostre honneur en tous cas garderay,
N’en dit, n’en fait, n’en penser ne feray[6]
660 Chose envers vous,
N’envers autrui dont vous aiez courrous ;[7]
Einsois serez ma dame et mes cuers dous,
Mes dieus terriens, aourez dessus tous ;[8]
664 Etsans doubtance,
Se je fais riens contre vostre plaisance,[9]
Ne dont vos cuers ait courrous ne grevance.[10]
Sachiez de voir que c’iert par négligence.[11]
668 Ma dame, einsi
La merciay com vous avez oï,[12]
Dou noble don de sa douce merci.
Et elle aussi me jura et plevi[13]
672 Moult durement[14]
Qu’a tous jours mais m’ameroit loiaument.
Sans moy guerpir et sans département.
Einsi regnay en joie longuement,
676 Que je n’avoie[15]
Nulle chose qui fust contraire a joie,[16]
- ↑ manque dans J ; E que ; CDEK vostre ; K metfacc
- ↑ E Si
- ↑ C aussi com je sueil
- ↑ P dorgueil
- ↑ E et de cuer a.
- ↑ E diz nen fais
- ↑ D autre ; KJ aucun
- ↑ K Mais ; KJ dieux en terre ; C dieus humains ; E" honnoures ; KJ orez par dessus tous
- ↑ KJ Se je meffais encontre vo pl.
- ↑ P Dont ; E ait doulour ; D ait ne doulour ; P ne courrous
- ↑ DE vray ; KJ cest ; KJ ignorance
- ↑ E Len ; P Le ; D comme
- ↑ D ainssi ; P a pleui
- ↑ MC doucement ; KJ humblement
- ↑ A resnay
- ↑ A resnay
