Qui tant estoit belle sans meffaçon,[1]
Dedens mon cuer la douce impression
De sa figure[2]
Fu telement empreinte qu’elle y dure,[3]
Ne onques puis n’en parti, dont j’endure
Meinte doleur et meinte durté dure.[4]
Et sans doutance,
Eins que partis fusse de sa présence,
Dedens mon cuer se ficha si Plaisance,
En remirant sa douce contenance,
Que sachiez bien,
Se j’eusse l’avoir Otheviën,[5]
Et sceûsse le scens de Galiën,[6]
Et avec ce tuit li bien fussent mien,[7]
Je tout eüsse
Guerpi par si, que vëoir la peüsse
A mon voloir ou que faire sceüsse
Chose a son vueil, dont plaire li deüsse.[8][9]
Mais Fine Amour
Qui vit que pris estoie par le tour
De Plaisance qui m’ot mis en sa tour.[10]
En remirant son gracieus atour,[11]
Sans menacier
Un dous regart riant me fist lancier
Par mi le cuer, et moy si enlacier,
Qu’il me sousmist en son très dous dangier,
Sans repentir.
Si me plut tant cils dangiers a sentir,[12]
- ↑ manque dans J
- ↑ KJ De sa douce f.
- ↑ C que el dure ; y manque dans E
- ↑ KJ peine dure
- ↑ D Que se ; KJ otinien ; M dothonien
- ↑ P Et si ; E Et se eusse ; CK tout le sens galien ; J Et avec ce sceusse tout le sens galien
- ↑ E tous les biens ; CP tout ; J Et tuit li bien du monde f.
- ↑ 427 et 428 effacés dans F
- ↑ D De chose faire donc.. peusse ; C mon vueil ; KJ que plaire ; M li pleusse
- ↑ E Et ; E si mot
- ↑ CKP En regardant ; K precieus
- ↑ E ce dangier ; C li dangier ; DKJ son dangier.