Page:Machaut - Œuvres, éd. Hœpffner, I.djvu/167

Fu sa couleur, des autres nompareille,^[1]
Car elle fu vive, fresche et vermeille,
Plus que la rose en may, eins qu’on la cueille,^[2]
          360 Et, a briés mos,
Blanche com noif, polie, de biau gros
Fu sa gorge, n’i ot fronce ne os ;^[3]
Et s’ot biau col dont je la pris et los.^[4]
          364 Aussi est drois^[5]
Que je parle de ses bras Ions et drois^[6]
Qui estoient bien fais en tous endrois ;^[7]
Car elle avoit blanches mains et Ions dois.^[8]
          368 A mon devis
Avoit le sein blanc, dur et haut assis,^[9]
Poingnant, rondet, et si estoit petis,
Selonc le corps, gracieus et faitis.
          372 Sans nul mestret v^[10]
Avoit le corps par mesure pourtret.^[11]
Cent, joint, joli, juene, gentil, grasset,^[12]
Lonc, droit, faitis, cointe, apert et graillet.
          376 Très bien tailliez
Hanches, cuisses, jambes ot, et les piez^[13]
Votis, grossez, bien et bel enjointiez,^[14]
Par maistrise mignotement chauciez.^[15]
          380 Dou remenant
Que pas ne vi, dame, vous di je tant^[16]
Qu’a nature tout estoit respondant,^[17]

1. C autre separeille ; P despareille
2. KJ en moy quant on lac.
3. KJ Ot la gorgete ; E gueorgete
4. C biau corps ; C le
5. M Aussis
6. E parole
7. KJ Quelle auoit ; E estoient faiz en trestous endrois ; J en t. droiz
8. MCEKJ Et si
9. blanc effacé dans D; dur manque dans C
10. KJ joli rondelet et crasset
11. apert manque dans E ; et manque dans D
12. apert manque dans E ; et manque dans D
13. CBDR Blanches ; R cuissettes ; C et jambes ; E Auoit les jambes et autressi les pies
14. E grasses ; KJP bel et bien entailliez ; C entailliez
15. E Et par maistrie ; KJ Par mesure
16. EKJ vous diray t. (KJ dire)
17. B¹ Que par nature ; C toute ; AV estoit tant r. ; P estoit fait r.