304. Son front estoit
Blanc et poli, ne fronce n’i avoit,
Sans vice nul compassé si a droit
Que trop large n’estoit, ne trop estroit ;[1]
308 Et si sorcil
Qui estoient de taille très gentil[2]
Dessus le blanc sambloient un noir fil,[3]
Dont il fussent prisié entre cent mil.[4]
312 Mais si dui oueil[5]
Qui de mon cuer vorrent passer le sueil[6]
Par leur rigour et par leur bel accueil,[7]
Pour moy donner le mal dont je me dueil,
316 Furent riant.
Nom pas moult vair, pour estre plus poingnant[8]
Et plus agu, dous, humble et attraiant,
Tous pleins de las pour loier un amant[9]
320 En amour pure ;
Et s’estoient clungnetant par mesure,[10]
Fendus a point, sans trop grant ouverture,
Tout acquérant par leur douce pointure ;[11]
324 N’a l’entrouvrir
Ne se peust nuls homs qui soit couvrir[12]
Qu’en mi le cuer ne l’alassent ferir,[13]
S’il leur pleûst, et pour euls retenir.[14]
328 Mais leurs regars,
Merci donnant par samblant, aus musars[15]
N’estoit mie folettement espars ;[16]
- ↑ manque dans J ; E Que point trop 1. ; FMB larges
- ↑ E Aussi est. ; C taille si gentil
- ↑ D sembloit • C sembloient bien voir fil
- ↑ D furent
- ↑ J Et
- ↑ D vouloien
- ↑ D Pour 1. acueil et pour leur rigour ; KJ Par leur regart
- ↑ JKP trop veir ; D pou vair ; E pour plus estre
- ↑ P pour lacier
- ↑ D clinans tant ; K clinent et p. m ; J clinet et p. m.
- ↑ XJ Tous
- ↑ KJ Ne saperceust
- ↑ D Que mi ; le manque dans E
- ↑ B1 remplace la leçon de B eux par lui
- ↑ KJ au
- ↑ CB1DEKJPR Nestoient ;KJ pas.