Nul guerredon de dame par servir,
Qu’en aucun temps li deingnast souvenir[1]
De moy qui vueil estre siens, sans partir,
280 Toute ma vie.
Tant qu’il avint qu’en une compaingnie[2]
Ou il avoit mainte dame jolie,
Juene, gentil, joieuse et envoisie,[3]
284 Vins par Fortune,
Qui de mentir a tous est trop commune.[4]
Si en choisi entre les autres l’une[5]
Qui, tout aussi com li solaus la lune[6]
288 Veint de clarté,[7]
Avoit elle les autres seurmonté[8]
De pris, d’onneur, de grâce et de biauté,[9]
Et tant estoit humble et simple, a mon gré,[10]
292 Car, a voir dire,[11]
On ne porroit en tout le monde eslire[12]
Sa pareille, ne tous li mons souffire[13]
Ne porroit pas, pour sa biauté descrire[14]
296 Parfaitement.
Car je la vi dancier si cointement
Et puis chanter si très joliement.[15]
Rire et jouer si gracieusement,
300 Qu’onques encor
Ne fu veû plus gracieus trésor.
Car si cheveus ressambloient fil d’or[16]
Et n’estoient ne trop blont ne trop sor ;[17]
- ↑ P En ; KJ li deust s.
- ↑ qu manque dans E
- ↑ KJ J. g. de manière garnie
- ↑ EP est a tous
- ↑ M autre ; CDEKP une
- ↑ EKJ ainsi
- ↑ ABD V. la cl. ; R Veu que de cl.
- ↑ E Par auoit ; K celle ; D toutes les autres
- ↑ E do. de senz ; et manque dans KJ
- ↑ E Tant fu h.
- ↑ EKJP Quau voir dire
- ↑ KJ En
- ↑ C La ; E par. trèstout le m. ; D eslire
- ↑ KJ a sa b.
- ↑ tres manque dans E
- ↑ Car manque dans KJ ; F cil ch. ; B1 cilz ch. ; KJ filz ; E a tin or
- ↑ E Et si ne. ; D blanc.