Son dous chanter, que jamais raconter[1]
40 Ne le porroie.
Mais tout einsi, com je me delitoie[2]
En son très dous chanter que j’escoutoie,[3]
Je vi venir par une estroite voie,
44 Pleinne d’erbette,
Une dame pensant, toute seulette
Fors d’un chiennet et d’une pucelette ;
Mais bien sambloit sa manière simplette[4]
48 Pleinne d’anoy.
Et d’autre part, un petit loing de moy.
Uns chevaliers de moult très noble arroy[5]
Tout le chemin venoit encontre soy
52 Sans compaingnie ;
Si me pensay qu’amis yert et amie.[6]
Lors me boutay par dedens la fueillie[7]
Si embrunchiez qu’il ne me virent mie.[8]
56 Mais quant amis,
En qui Nature assez de biens a mis,[9]
Fu aprochiez de la dame de pris,[10]
Com gracieus, sages et bien apris[11]
60 La salua.[12]
Et la dame que pensée argua.[13]
Sans riens respondre a li, le trespassa.[14]
Et cils tantost arrière rappassa,[15]
64 Et se la prist[16]
Par le giron, et doucement li dist :
« Très douce dame, avez vous en despit[17]
- ↑ E En son doulz ch… recorder
- ↑ FD aussi
- ↑ A jescoute
- ↑ E s. a sa chiere simpl. ; C m. seulete
- ↑ A Un cheualiers ; E tresbel
- ↑ R Lors mauisay ; P mapensai
- ↑ R Si ; J par dessouz
- ↑ AF embunchiez ; BR embuschez ; CDP embuschiez ; E embuschie
- ↑ J n. hut assez de b. mis ; E des b. ot mis ; BDP bien
- ↑ J dame gentilz
- ↑ E Comme courtois
- ↑ P Le
- ↑ AFBE qui
- ↑ E riens rendre a lui
- ↑ R cellui ; J arr. tantost si r.
- ↑ P le
- ↑ J Douce.
