La grandour, et la Majestat Souuéréne de la nature , Es sans bornes, et sans mesure, Toutjour d’vn ess’é d’un estat.
El es tout glori’é tout bontat, El vey tout per sa couynoycence , El es en tout per son essence, Son pouder es sa volontat.
Payre , Fil, sant Esprit, vn Diu Sous tres Persounes , vne essence Sans diuisiu, ny diference, Que d’origine é relaciu.
Lou Payr’en son entendemen Per lacte de sa counoycence , Engenr’é doune la naycence A son Fil eternalomen.
Lou Payr’é lou Fil d’vn’ acciu D’amour mutual, et complasence , Comunicou la mesm’essence Al sant Esprit, per processiu.
Vne soule diuinitat Vn vouler, vn’intelligence, Vne nature, vn’existence En tres, s’apéle Trinitat.
Que a creat tout l’Vniuers, D’vn soul fiat de sa poysance Sans qu’y agués res de per auance, E souste lous Esses diuérs.
Lou Cél, Layse[1], lous Elemens É tout quant es e la nature Pren del l’Esse , la noyriture , L’operaciu, lous mouuemens :
- ↑ L’eau.