une chité, (la Filée avoit à nom)’^% à x. liuves loins de Tost : icheles chités estoit moult rike et moult plentive. Si ne fist mais el mesires Henri, si atorna sen oirre et s’en parti de Tost à chelée par nuit, li trentisme de chevaliers, et asses serjans à cheval avec lui, que waires de gens ne le seurent. Quant il vint à le chité, si fist sen fait, si i sejorna i. jour, et entrementiers que il i ala, fu espiés, et endités à Morchofles. Quant Morchofles le seut, si fist monter bien dusques à iiij. m. hommes à armes, etfist porter TAnsconne’^^ avec lui, (i. image de Nostre-Dame que li Grieu apeloient ensi, que li empereur portent avec aus, quant il vont en bataille, et si grant fianche ont en chel Ansconne que il croient bien que nus qui le port en bataille ne puet estre desfis, et pour chou que Morchofles ne le portoit mie, à droit créons nous qu’il fu desconfis) —, et li
Franchois avoient jà leur v^aaing envoie à Tost, si les waita Morchofles au repairier, et quant il vint à une Uuve près de nos gens, si mist ses gens en await et fist ses embuskemens, et nos gens n’en seurent mot, si s’en revenoient durement, ne ne seurent mot de chel await. Quant li Grieu les virrent, si s’escrierent, et nos Franchois se regardèrent ; quant il les virrent, si eurent moult grant peur, et moult commenchierent à reclamer Dame Dieu et Nostre Dame, et furent si esmari qu’il ne se seurent conseillier, et tant qu’il disent entr’aus : « Par « foi ! se nous fuions, nous sommes tout mort ; miex nous vient c( mourir en deffendant que en fuiant ». Adont si s’aresterent tout coi, et prisent entour viij, arbalestiers que il avoient, si les misent devant aus ; et li empereres Morchofles, li traitres, et li Grieu leur vienent moult très grant aleure, si se fièrent en aus moult rudement ; mais onquesnu des Franchois, le merchi Dieu, ne misent à pié. Quant li Franchois virrent que li Grieu leur couroient si sus de toutes pars, si laissierent les lanches caïr jus, si traient coustiaus et miséricordes qu’il avoient, si s’acueillent à deffendre moult vigeureusement, si en ochient moult. Quant U Grieu virrent que li Franchois les desconfisoient si, si se commenchent il à esmaier, si tornent il en fuies, et nos Franchois les acueillent, si en ochisent moult, et moult
