Page:Les voyages advantureux de Fernand Mendez Pinto.djvu/54

36

Voyages Aduventureux

Continho, fils du Capitaine General. Dauantage il y eut quinze ou ſeize autres de bleſſez, à cauſe de quoy nous fuſmes tous mis en deſroute. Alors les ennemis ayant reconneu le dommage qu’ils venoient de nous faire, ſe meirent tous à crier fort haut en ſigne de victoire, & à rendre graces à leur Mahomet ; ce qui fiſt qu’alors noſtre General oyant nommer leur faux Prophete qu’ils inuoquoient pour mieux encourager ſes ſoldats ; Mes compagnons d’armes, leur dit-il, puiſque ces chiens appellent le Diable à leur ayde, prions tous le ſainct Nom de Ieſus-Chriſt, qu’il ſoit à la noſtre. Cela dit, ils attaquerent encore vne fois la tranchée, ce que les ennemis n’eurent pas ſi toſt apperceu qu’ils tournerent le dos finement, & prirent la fuite vers la Gallere, en intention de s’y fortifier. Mais à meſme temps ils furent ſuiuis par quelques-vns des noſtres, qui ne tarderẽt gueres à gaigner la moitié de leurs trãchées. Alors les perfides preſque tous reduits au deſeſpoir de ſe voir auec ſi peu de force meirent le feu ſecrettement à vne mine qu’ils auoient faicte à l’entrée de leur tranchée, dont l’execution fut telle, que ſix de nos Portugais, & huict eſclaues y demeurerent ſur la place, ſans y comprendre quelques autres que la violence du feu rendit perclus de leurs membres : d’ailleurs la fumée en eſtoit ſi grande, & ſi eſpaiſſe, que difficilement nous pouuions nous entreuoir. De maniere que le Capitaine Gonzallo apprehendant qu’il ne luy arriuaſt vne perte encore pire que les precedentes, fiſt ſa retraicte vers le riuage. Par meſme moyen il fiſt porter par ceux qui eſtoient reſtez en vie, tous les morts, & tous les bleſſez, & ainſi il s’en alla où eſtoient ſes Fuſtes, où tous s’eſtans embarquez, ils s’en retournerent à force de rames, au meſme lieu d’où elles eſtoient venuës, où auec vn grand ſentiment de douleur il fiſt enterrer les morts, & penſer ceux que le fer ou le feu auoit endommagés, qui ſe treuuerent en grand nombre.