qui eſtoient aſſis à la table. Nous les pauures des faurns, indignes de ſeruir ce ſouuerain Seigneur, de qui les œuures ſont ſi admirables, comme le Soleil le teſmoigne, & les eſtoiles qui brillent au Ciel durant l’obſcurité de la nuit : Ayans eſté eſleus à la ſucceſſion de cette ſienne maiſon de Buatendoo, ſcituée en ce village de Catihorau, nous prions auec toute ſorte de reſpect & d’honneur vos humbles perſonnes, admis au ſeruices du Seigneur que par vn zele de charité vous faßiez loger & fauoriſer ces quatorze eſtrangers, trois deſquels ſont bazanés, & les autres onze plus blancs, en couurant la nudité de leurs corps, dont la pauureté ſe rendra manifeſte à vos yeux. Par où vous iugerez auec combien de raiſon nous vous faiſons cette priere, pource qu’ils ſe ſont perdus auecque leurs marchandiſes dans les impetueuſes eaux de la mer, leſquelles auecque leur fureur accouſtumée ont fait ſur eux l’execution de la main toute-puiſſante, qui par vn iuſte chaſtiment permet bien ſouuent que de ſemblables choſes arriuent, pour nous monſtrer combien eſt redoutable ſon iugement duquel il luy plaiſe nous deliurer tous au iour de la mort, afin que nous ne voyons point l’indignation de ſa face. Cette lettre eſtant leuë ils nous firent loger auſſi-toſt en vne chambre fort nette, dans laquelle il y auoit quatorze couches honneſtement accommodées, auec vne table & pluſieurs chaires. Là on nous donna fort bien à manger ; & nous y repoſaſmes le reste du iour. Le lendemain matin par l’expres commandement des autres officiers le Greffier nous vint demander qui nous eſtions, de quelle nation, & en quel lieu nous auions fait naufrage : il nous fit auſſi pluſieurs autres ſemblables demandes deſſus le meſme ſujet, auſquelles nous reſpondiſmes comme nous auions fait auparauant à ceux du village d’où nous venions, afin de n’eſtre trouuez de deux paroles, & conuaincus de menſonge. Nous ayant enquis alors ſur ce que nous voulions deuenir, nous leur diſmes que noſtre reſolution eſtoit de nous faire panſer en cette maison, s’il leur plaiſoit nous le permettre ; à cauſe que nous ne pouuions point marcher. A quoy ils nous reſpondirent qu’on prendroit tres-volontiers ce ſoing-là, & que c’eſtoit ce qu’on faiſoit ordinairemẽt dans cette maiſon pour le ſeruice de Dieu. Dequoy nous les remerciaſmes tous en pleurant, auec tant de
Page:Les voyages advantureux de Fernand Mendez Pinto.djvu/305
Le texte de cette page a été corrigé et est conforme au fac-similé.
287
de Fernand Mendez Pinto.
