Page:Les voyages advantureux de Fernand Mendez Pinto.djvu/226

208

Voyages Aduentureux

pouuantable de voir comme il ſe jettoient à trauers nos eſpées. Alors Antonio de Faria s’eſtant mis à haranguer les ſiens, Courage, leur dit-il, valeureux Chreſtiens, cependant que ces meſchans ſe fortifient de leur maudite ſecte du Diable, fions nous en noſtre Seigneur Iesvs-Christ mis en Croix pour nous ; qui ne nous abandonnera point, quelques grands pecheurs que nous puißions eſtre. Car apres tout nous ſommes ſiens, ce que ces chiens ne ſont point. Là deſſus ſe jettant auec cette ferueur & zele de la foy vers Coja Acem, à qu’il en vouloit principalement, il luy deſchargea ſur la teſte vn ſi grand coup d’eſpée à deux mains, que luy couppant vn bonnet de maille qu’il auoit, il ſe ietta incontinent à ſes pieds, puis redoublant auec vn autre coup de reuers, il l’eſtropia des deux iambes, tellement qu’il ne ſe pût releuer, ce qu’eſtant apperceu des ſiens ils en firent vn grand cry, & attaquans Antonio de Faria s’approcherent eſgalement l’vn de l’autre par cinq ou ſix fois, auec tant de courage & de hardieſſe, qu’ils ne firent point de conte de trois Portugais deſquels il eſtoit enuironné, & luy donnerent deux reuers dont ils le jetterent preſque par terre. Ce que voyant les noſtres ils coururent incontinent à luy, & aſſiſtez de noſtre Seigneur, ils firent ſi bien que dans vn demy quart d’heure il mourut des ennemis en ce lieu, ſur le corps mort de Coja Acem quelques quarante huit, & des noſtres quatorze ſeulement, deſquels il n’y auoit que cinq Portugais, & le ſurplus eſtoient valets & eſclaues, bons & fideles Chreſtiens. Ceux qui eſtoient reſtez commencerent alors à perdre courage, & ſe retirerent en deſordre vers le chapiteau de prouë, en intention de s’y fortifier. A quoy vingt ſoldats des trente qui eſtoient dans le Iunco de Quiay Panjan accoururent incontinent, & s’en allerent au deuant d’eux, ſi bien qu’auparauant qu’ils ſe fuſſent rendus maiſtres de ce qu’ils pretendoient, ils furent par eux grandement preſſez de ſe jetterent dans la mer, où les vns ſe laiſſoient cheoir ſur les autres. Les noſtres eſtant encouragez par le nom de noſtre Seigneur Iesvs-Christ qu’ils reclamoient ; joint auſſi la victoire que deſia ils connoiſſoient eſtre à eux, tellement pour auoir l’honneur de la gagner toute, ils acheuerent