Page:Les voyages advantureux de Fernand Mendez Pinto.djvu/139

121

de Fernand Mendez Pinto.

chandiſes eſtoient de ſi mauuais debit en ce lieu, qu’il ne ſe treuuoit pas vn marchand qui en voulut, le peu d’eſperance qui luy reſtoit de les pouuoir vendre le fit reſoudre, d’y hyuerner iuſqu’à ce qu’il euſt trouué quelque expedient pour s’en desfaire. Il fut donc conſeillé par quelques-vns des plus anciens du pays de l’enuoyer à Lugor, qui eſt vne grande ville du Royaume de Siam, cent lieuës plus bas vers le Nord. Ils luy alleguerent pour raiſon, que ce port eſtoit fort riche, & de grand debit, à cauſe qu’il y auoit vn grand nombre de Iuncos de l’Iſle de Iaoa, enſemble des ports de Laue, Tanjampura, Iapara, Demaa, Panarucu, Sidayo, Paſſaruan, Solor, & Borneo, dont les marchands auoient accouſtumé de bien achepter de ſemblables marchandiſes, en eſchange d’or, ou de pierreries. Ce conſeil fut incontinent approuué par Antonio de Faria, qui ſe mit en deuoir de l’executer. Pour cet effet il mit ordre de recouurer vn vaiſſeau ſur le port, à cauſe que la Fuſte dans laquelle il eſtoit venu, ne pouuoit aucunement faire ce voyage. Ces choſes ainſi diſpoſées il deputa pour ſon Facteur vn nommé Chriſtouan Borralho, homme qui s’entendoit grandement bien au negoce. En la compagnie de ceſtuy-cy s’embarquerent quelques ſeize hommes, tant ſoldats que marchands, auec eſperance qu’vn eſcu leur en vaudroit ſix ou ſept, du moins tant en la marchandiſe qu’ils y menoient, qu’en celle qu’ils eſperoient d’en rapporter. Ainſi moy chetif eſtant l’vn des ſeize, nous partiſmes du port vn Samedy matin, & nauigeaſmes auec vn vent fauorable ſuiuant la coſte iuſqu’au Ieudy matin, que nous arriuaſmes à la rade de Lugor, & ancraſmes à la riuiere. Là il fut trouué à propos de paſſer le reſte du iour, afin de nous informer amplement de ce qu’il nous falloit faire, tant pour la vente de nos marchandiſes, que pour l’aſſeurance de nos perſonnes. Et ſans mentir nous y appriſmes de ſi bonnes nouuelles, que nous eſperions deſia d’y gaigner plus de ſix fois au double, & d’y auoir aſſeurance pour tous de franchiſe & de liberté durant tout le mois de Septembre, ſuiuant l’ordonnance du Roy de Siam, à cauſe que c’eſtoit le mois des Sumbayas des Roys. Pour mieux eſclaircir cecy, il faut ſça-