12 La nuit est déja fort avancée, & le jour s’approche : quitons donc les œuvres de tenebres, & revestons-nous des armes de lumière.
13 Marchons avec bienseance & avec honnesteté, comme marchant durant le jour. Ne vous laissez point aller aux débauches, & aux yvrogneries ; aux impudicitez, & aux dissolutions ; aux querelles, & aux envies.
14 Mais revestez-vous de nostre Seigneur JESUS CHRIST, & ne cherchez pas à contenter vostre sensualité, en satisfaisant à ses desirs dereglez.
1 RECEVEZ & traittez avec charité celuy qui est encore foible dans la foy, [1]sans vous emporter en des contestations & des disputes.
2 Car l’un croit qu’il luy est permis de manger de toutes choses ; & l’autre au contraire, qui est foible dans la foy, ne mange que des legumes.
3 Que celuy qui mange de tout, ne méprise point celuy qui n’ose manger de tout ; & que celuy qui ne mange pas de tout, ne condamne point celuy qui mange de tout, puisque Dieu l’a pris à son service.
4 Qui estes-vous pour oser ainsy condamner
- ↑ au. ne vous rendant point juges de ses pensées.