voit dit : Vous n’aurez point de mauvais desirs.
8 Mais le peché ayant pris occasion du commandement de s’irriter davantage, a produit en moy toute sorte de mauvais desirs.
9 Car sans la loy le péché estoit comme mort ; & pour moy je vivois autrefois sans loy, mais le commandement de la loy estant survenu, le peché est ressuscité, & moy je suis mort.
10 Et il s’est trouvé que le commandement qui devoir servir à me donner la vie, a servi à me donner la mort.
11 Car le peché ayant pris occasion du commandement de s’irriter davantage, m’a trompé, & m’a tué par le commandement même.
12 Ainsy la loy d’ellemême est sainte, & le commandement est saint, juste, & bon.
13 Ce qui estoit bon en soy m’a-t’il donc causé la mort ? Nullement.[1]Mais c’est le peché, la concupiscence, qui m’ayant causé la mort par une chose qui estoit bonne, a fait paroistre la corruption ; de sorte qu’elle est devenue par le commandement même une source plus abondante de peché.
§. 3. S. Paul ne fait pas ce qu’il veut. Loy de la chair, loy de l’esprit : combat des deux.
14 Car nous sçavons que la loy est spirituelle ; mais pour moy je suis charnel, estant comme vendu pour estre assujetti au peché.
15[2]Je n’approuve pas ce que je fais, parce
