13 Et n’abandonnez point au peché les membres de vostre corps, pour luy servir d’armes d’iniquité : mais donnez-vous à Dieu, comme estant vivans de morts que vous estiez auparavant ; & consacrez luy les membres de vostre corps, pour luy servir d’armes de pieté & de justice.
14 Car le péché ne vous dominera plus ; parce que vous n’estes plus sous la loy, mais sous la grace.
15 Quoy donc ? pecherons-nous plus librement, parce que nous ne sommes plus sous la loy, mais sous la grâce ? Dieu nous en garde.
16 Ne sçavez-vous pas que de qui que ce soit vous vous soyez rendus esclaves pour luy obeïr, vous demeurez esclaves de celuy à qui vous obeïssez,[1]soit du peché qui donne la mort, soit de la foy qui justifié ceux qui luy obeïssent.
17 Mais Dieu soit loüé de ce qu’ayant esté auparavant esclaves du peché,[2]vous avez obeï du fond du cœur à la doctrine de l’Evangile [3]sur le modele de laquelle vous avez esté formez.
18 Et ainsy ayant esté affranchis de l’esclavage du peché, vous estes devenus esclaves de la justice.
