14 Joseph s’estant levé, prit l’enfant & sa mere durant la nuit, & se retira en Egypte ;
15 où il demeura jusqu’à la mort d’Herode, afin que cette parole que le Seigneur avoit dite par le Prophète fust accomplie : J’ay appellé mon fils de l’Egypte.
16 Alors Herode voyant qne les Mages s’estoient mocquez de luy, entra en une extreme colere ; & envoyant des gens armez [1]il fit tuer tous les enfans qui estoient dans Bethleem , & en tout le pays d’alentour, agez de deux ans & au dessous, selon le temps qu’il avoit appris des Mages s’en estant enquis tres exactement.
17 Ce fut alors qu’on vit accomplir ce qui avoit esté dit par le prophète Jeremie :
18 Un grand bruit a esté entendu dans Rama ; on y a oüi des plaintes, & des cris lamentables : Rachel pleurant ses enfans, & ne voulant point recevoir de consolation [2]de leur perte.
19 Mais aussitost qu’Herode fut mort, un Ange du Seigneur apparut en songe à Joseph qui estoit en Egypte ;
20 & luy dit : Levez-vous, prenez l'enfant & sa mere, & allez en la terre d’Israël : car [3]ceux qui cherchoient l’enfant pour luy oster la vie, sont morts.
21 Joseph s’estant levé prit l’enfant & sa mere, & s’en vint en la terre d’Israel.
22 Mais ayant appris qu’Archelaüs regnoit en Judée en la place d’Herode son pere, il ap
