Page:Le roman de Fauvel, par Gervais du Bus, publié d'après tous les manuscrits connus par Arthur Långfors.djvu/136

16

LE ROMAN DE FAUVEL

Quer eu feu de convetise ardent.
Operacion si argue
344 La forme estre teile tenue
Comme l’euvre semblablement.
Pour ce di je certainement
Qu’ommes sont bestes rëaument
348 Quant il vivent bestïaument ;
Et pour ce par droit pouon dire
Que Fauvel est du monde sire,
Que il est par tout honorés(Fol. 4 v°)
352 Et com Dieu en terre aorés.
Raison a perdu roiauté
Quant nous voion bestïautei
Sus les hommes si haut assise
356 Et resons est au dessous mise.
Einsi l’ordenance devine
Est du tout tornee a ruine :
Nous alon par nuit sans lanterne,
360 Quant bestïauté nous governe.
Las ! que ne fu Fauvel mort nei,
Quant le monde a si berstornei !
Cescun treuve en lui grant savor
364 Pour aquerre humaine favor.
Hé las ! hé las ! quant je regarde
Que par cest Fauvel, que feu arde,
Est au jour d’ui si sainte Eglise
368 Abatue et au dessous mise
Qu’a paine porra relever !

344 F La f. t. e. tenue — 351 Les autres mss. sauf A ont Car ; E omet tout — 353 E R. a par tout r. — 356 E Et que Fausseté Raison brise — 357 BE Aussi — 360 A Q. b. la g. — 366 y pour — Les v. 367-8 et 379-80 se lisent ainsi dans E :

Est sainte Eglise au jour d’ui
Au dessouz et si grant ennui....
Ne fu oncques en si grant doute
Par unde nule qui tant boute.