naire (diſie) comme ces docteurs qui enfilent leurs diſcours ; que promettre & tenir eſt tout ce qu’vne perſonne de bien peut faire, & qu’il n’appartient qu’à ceux qui ſont iſſus de damoyſellerie & de gentilhommette, ſi en a ton menti vn petit, & ie le vous diray auſſi honneſtement que fit Coquereau à monſieur le Preſident ſon maiſtre. Il eſtoit ſommelier & nous boyuions frais & bon, ie diſois que le vin eſtoit bas, monſieur diſoit qu’il eſtoit à la barre, madame dit, « Et bien ſommelier qu’en eſt il ? — Ha ha, dit il, monſieur n’a menty de gueres. » Promettre eſt facile, mais effectuer difficile, de tenir il eſt aiſé, tenir ce que l’on promet eſt faire comme le ſeigneur de noſtre parroiſſe, qui ne vous refuſe rien, & baille encor moins.
Page:Le moyen de parvenir, tome 1 (Béroalde de Verville, éd. 1896).djvu/86
Le texte de cette page a été corrigé et est conforme au fac-similé.
