de la Cour.
Ous eſtes par ma foy plaiſans
de ne me pas voir ſi toſt arriué
à l’hoſtellerye que vous
n’ayez tous la gueule bée
pour vous paiſtre de nouuelles :
Mais au diable le mot que ie vous en
diray que ie n’aye beu chopine, pour me
rafraichir vn peu le goſier tant ie l’ay alteré
& ſeché de pouſſiere. Au reſte vous
me faictes tant d’interrogats à la fois, que
ie ne ſçay auquel respondre le premier.
Parlez donc ie vous prie l’vn apres l’autre
ſi vous voulez que ie vous en conte. Or
ça de par-Dieu, ie me trouue beaucoup
mieux, ie n’ay plus la pepie. C’eſt bien raiſon
que ie commence à ſatisfaire au Marguillier
de la paroiſſe, comme le plus venerable.
Il m’a demandé d’abord ce que
l’on dit à la Cour d’vn oyſeau de proye
qu’on mit en cage la ſemaine passée. Ie