Page:Le Voyage des princes fortunez - Beroalde, 1610.pdf/739

696

Le uoyage des Princes

parler, & tout y parloit tacitement, enuelopant ſous ſon figuré ſilence tout ce qu’il y a de plus beau és imaginations & recherches des beaux eſprits. Entre autres, l’Empereur vid vers le ſeptentrion ſur la porte la figure d’vne tourterelle, & il s’enquit pourquoy celà eſtoit. Sarmedoxe luy raconta que la chambre en laquelle on alloit par là eſtoit dite la chambre de la Tourterelle, en laquelle on logeoit les Amans qui eſtoient trop gays, afin de les faire vn peu deuenir melancholiques, à ce que ces deux humeurs meflees ils fuſſent en bon temperament d’Amour, eſtāt, dit-il, en cecy vn fort notable ſecret. Les Tourterelles ſont animaux magnetiques ayans telle vertu, qu’eſtans enſemble accouplez, & ſe faiſans l’amour chaſte, tel qu’eſt le leur vnique entre tous, ſi quelqu’vn habite où ſont ces oyſeaux amans il ſera touché de meſme paſſion, & ſi vn beau couple de mariez y demeure, leur mour ſera treſ-parfaict que s’il aduient que le pair des oyſeaux ſoit deffaict, & que l’oyſeau reſtant y ſoit conſerué, il auiendra que la perſonne qui frequentera ce lieu en demeure ordinaire, ſera touchee de la meſme melancholie que le triſte oyſeau, quelque occaſion autre qu’il y ayt. C’eſt ne plus ne moins comme il ſe rencontre que le Maiſtre d’vne maiſon eſtant malade, & que le coq face vn œuf, tant que le pondeur & la pounte ſubſiſteront, le dolent demeurera affligé, & la maladie continuera. L’Empereur. Ie ne deſire point entrer en ces chambres de triſteſſe, pour abonder en melancholie, i’ayme mieux ſuyure ce