Deux Amans muets ſont preſentez. Celuy qui les conduit raconte leur auanture. Les menees du Geant ſur les enfans du grand Roy Leci, & ſur ſa perſonne. Le fils de Leci mal traicté de ſon pere, eſt enfin celuy qui le delivre.
Ntre tant de beau peuple qui ſe vint preſenter en l'Hermitage, il entra vn Gentilhomme eſtranger, telle iugeons-nous, pource qu'il ne ſçauoit pas les couſtumes du païs, & n'auoit point appris la fraſe d'amour, pour ſçauoir dire par les paroles entendues à tous vrais ſectateurs de ſageſſe, ce qu'il pretendoit, toutesfois ayant ſceu que le premier poinct d'obſeruation en ce lieu eſt l'obeiſſance, il parut y entendre : Car menant auec ſoy deux Amans, & ſ'eſtant preſenté, Gnoriſe qui l'auiſa, ſortit & prit les deux Amans, ce qu'il laiſſa faire, eſtimant que ſ'eſtoit la couſtume. La dame donc les ayant pris par la main, les mena au parquet d'Amour, où les gens pour l'Amour faiſoient leurs examēs premiers, & là les interrogea de leur affaire, mais pour neant, car elle n'en peut rien entendre, dautāt qu'ils eſtoiēt muets. Parquoy elle les cōduit en la ſale, & apres que l'arreſt fut pronōcé elle propoſa ce qu'elle auoit fait ſelon ſa charge,
