Le texte de cette page a été corrigé et est conforme au fac-similé.
Où se devient, il s’enfuiroit.
Bernars l’Asnes les déduiroit
O sa grant croiz.
Cil quatre sont fontaine et doiz,
Cil quatre ont l’otroi et la voiz
De tout l’osté.
La chose gist sor tel costé
C’onques rois de bestes n’ot té
Le bel aroi.
Cist sont bien mesnie de roi ;
Il n’aiment noise ne desroi,
Ne grant murmure :
Quant mes sires Nobles pasture,
Chascuns s’en ist de la pasture ;[1]
Nus n’i remaint.
Par tens ne saurons où il maint :
Jà autrement ne se demaint
Por querre avoir,
Qu’il en porra assez avoir.
Et cil ont assez de savoir
Qui font son conte.
Bernars gete, Renars mesconte ;
Ne connoissent honor de honte.
Roniaus abaie,
Et Ysengrins pas ne s’esmaie :
Le seau porte troupe qu’il paie.
- ↑ Closture, au ms. 7615.