Page:Le Roman du Renart, supplément, 1835.djvu/72

Le texte de cette page a été corrigé et est conforme au fac-similé.

Il ne set pas de qu’est sa porte ;
Por ce fet mal qu’il li enorte
xxxxSe tout bien non.
Des bestes orrez ci le non
Qui de mal fere ont le renon
xxxxToz jors éu ;
Moult ont grevé, moult ont néu ;
80Aus seignors en est meschéu
xxxxEt il s’en passent :
Assez emblent, assez amassent ;
C’est merveilles qu’il ne se lassent.
xxxxOr entendez
Con Nobles a les iex bendez ;
Et se ces oz estoit mandez
xxxxPar mer, par terre,
Où porroit-il trover ne querre
En qui il se fiast de guerre
90xxxxSe mestier iere ?
Renars porteroit la banière ;
Roniaus, qu’à toz fet laide chière,
Feroit la bataille première,
xxxxO soi nului.
Bien vous puis dire de celui
Jà nus n’aura honor de lui
xxxxDe par servise.
Quar la chose seroit emprise,
Ysengrins, que chascuns desprise,
100xxxxL’ost conduiroit ;