Se tu veulz, dit Renars, sy saiche : Je n’y trairai hui, que je saiche ; Jà Diex ne m’ayst ne si saint, Se je ne cuit que il se faint, Et tu me veulz pour fol tenir ; Tost m’en porroit malz advenir. Avant que corroie y ataiches, Le mordes en cul et ès naiges, Ou pis, ès costes et ès flans, Si forment qu’en saille li sangs ; S’onques pour ce ne se remue, Ainsi le porras mettre en mue, Puis c’on saura qu’il sera mors. Adonc va celle ; si l’a mors Durement que li sangs en saut ; Mais de ce gaires ne li chaut : Ou pis le mort et ès costés ; Et Thiemers, qui est adurés, Et qui trop mal endurer puet, Ne se remue ne ne muet. Renart, fait-elle, tu t’esmaies Quant ne va querre les corroies. Il est mors, je le di sans faille ; Has-tu paour que Dex ne faille ? Tu ies musars quant tu te doubles : Apporte les corroies toutes. Renars les corroies apporte, Et fait ce que sa femme enhorte. (98-14.)
Vers 17136-48 : Mais je ne sui pas si très-fort Conme vous estes, biaus dos frère ; Por ce doiz au plus pesant traire. (7607.)
